Global Gateway tfisser konnessjonijiet sostenibbli u fdati li jaħdmu għan-nies u għall-pjaneta. Hi offerta kwalitattiva, li tippromwovi s-sostenibbiltà fil-forom kollha tagħha – soċjali, ambjentali, finanzjarji. Hi mirfuda minn valuri universali u l-istandards għoljin li l-UE tirrappreżenta.
Il-Komunikazzjoni b’suċċess tal-offerta pożittiva li tirrappreżenta Global Gateway lin-nies madwar id-dinja għandha tirriżulta f’bidla fil-paradigma fil-mod kif ir-relazzjoni bejn l-Unjoni Ewropea u l-pajjiżi sħab tiġi ppreżentata u perċepita. L-enfasi hi fuq l-investiment konġunt tagħna f’futur kondiviż, li juri l-impenn fit-tul tal-UE għal relazzjonijiet b’saħħithom, bi prinċipji u prosperi ma’ pajjiżi u reġjuni sħab.
Konformi mal-prinċipji ta’ Global Gateway, it-ton tal-vuċi tagħna se jkun deċiżiv, jikkomunika progress pożittiv u jispira azzjoni għal dak li jeħtieġ li nagħmlu wara. Aħna niffukaw fuq komunikazzjoni sempliċi, ċara u li tinftiehem, filwaqt li nenfasizzaw l-espressjonijiet pożittivi tal-missjoni, il-valuri u l-ħidma tal-Unjoni Ewropea.
