Il-proġetti Global Gateway huma żviluppati u mwettqin b’mod konġunt minn Tim Ewropa, li jikkonsisti mill-istituzzjonijiet tal-UE, l-Istati Membri, l-istituzzjonijiet finanzjarji Ewropej li jaħdmu flimkien man-negozji Ewropej, il-gvernijiet, is-soċjetà ċivili u s-settur privat f’pajjiżi sħab.
Il-President tal-Kummissjoni, ir-Rappreżentant Għoli/Viċi President tal-Kummissjoni u l-Kummissarji responsabbli jmexxu l-implimentazzjoni ta’ Global Gateway. Bord ta’ Global Gateway jipprovdi gwida strateġika għal Global Gateway u l-iżvilupp ta’ inizjattivi ta' Tim Ewropa.
Grupp Konsultattiv tan-Negozju dwar Global Gateway jiżgura l-involviment tas-settur privat, jirċievi input min-negozji u jaqsam l-għarfien biex jimmassimizza l-impatt u l-effettività tal-investiment. Is-soċjetà ċivili hi inkluża permezz ta’ djalogu.
Id-Delegazzjonijiet tal-UE, l-ambaxxati tal-Istati Membri u l-uffiċċji tal-proġetti jgħinu fil-koordinazzjoni u fl-implimentazzjoni tal-proġetti ta’ Global Gateway u tal-inizjattivi ta’ Tim Ewropa.
